Hast vöglia dad imprender coolas chanzuns e coreografias? Lura es precis quist il dret per tai. Cun purtrets ed istorgias sco basa, imprendast dürant quist workshop differentas coreografias e chanzuns dals «Singvögel», tradüttas in vallader, puter e sursilvan. A la fin dal semester, cur cha tü est fingià ün pitschen profi, ha lö ün concert da finischun in ün pitschen rom. Las prouvas han lö üna jada l’eivna e’s drizzan tenor il plan da vacanzas da la scoula Zernez.

Datas:
15.8.25 – 3.10.25
24.10.25 – 19.12.25
9.1.26 – 23.1.26

Prouvas:
Las prouvas han lö mincha venderdi da las 16.15h fin las 17.00h aint ill’aula da la scoula da Zernez.

Infuormaziuns importantas:
Cuosts: 190.- per uffant, predsch special: inclusiv t-shirt | Per plaschair resguardar las cundiziuns da demischiun ed annulaziun
Cuors dad J+M: Il workshop vain recugnuschü sco cuors da Jugend+Musik (J+M)
KulturLegi: 50% rabat culla carta da «KulturLegi»